Argomenti di Esercizi

In sto amaro momento, che lacera el nostro cor, 

in sto ultimo sfogo de amor, de fede al Veneto Serenissimo Dominio, 

al Gonfalon de la Serenissima Republica, 

ne sia de conforto, o cittadini, che la nostra condotta passata e de sti ultimi tempi, 

rende non solo più giusto sto atto fatal, 

ma virtuoso, ma doveroso par nu.

Savarà da nu i nostri fioi, e la storia del zorno farà saver a tutta l’Europa, 

che Perasto ha degnamente sostenudo fin a l’ultimo l’onor del Veneto Gonfalon, 

onorandolo co sto atto solenne, e deponendolo bagnà del nostro universal amarissimo pianto. 

Sfoghemose, cittadini, sfoghemose pur, 

e in sti nostri ultimi sentimenti coi quali sigilemo la nostra gloriosa carriera corsa sotto al Serenissimo Veneto Governo, 

rivolgemose verso sta Insegna che lo rappresenta,

e su de ela sfoghemo el nostro dolor.

Par trecentosettantasette anni le nostre sostanze, 

el nostro sangue, le nostre vite le xe stae sempre par Ti, o San Marco; 

e fedelissimi sempre se avemo reputà 

Ti con nu, nu con Ti; e sempre con Ti sul mar nu semo stai illustri e vittoriosi.

Nissun con Ti ne ha visto scampar, 

nissun con Ti ne ha visto vinti e spaurosi!

E se i tempi presenti, infelicissimi par imprevidenza, 

par dissension, par arbitri illegali, 

par vizi offendenti la natura e el gius de le genti, 

non Te avesse tolto da l’Italia, 

par Ti in perpetuo sarave le nostre sostanze, 

el nostro sangue, la vita nostra e, 

piuttosto che vederTe vinto e desonorà dai toi, 

el coraggio nostro, la nostra fede se avarave sepelio sotto de Ti!

Ma za che altro no ne resta da far par Ti, 

el nostro cor sia l’onoratissima to tomba, 

e el più puro e el più grande to elogio le nostre lagreme!

in sto ultimo sfogo de amor, de fede al Vêneto Serenìsimo Domìnio, 

al Gonfa£on de £a Serenìsima Republika, 

ne sia de konfòrto, o zhitadini, ke £a nôstra kondota pasada e de sti ultimi tenpi, 

rende no solo pìù justo sto ato fatal, 

ma virtuoxo, ma doveroxo par nù.

Savarà da nù i nôstri fiu£i, e la stòria del xorno farà saver a tuta l’Eurôpa, 

ke Perasto ga denyamente sostenudo fin a l’ultimo l’onor de ‘l Vêneto Gonfa£on, 

onorandolo ko sto ato so£êne, e deponendo£o banyà del nôstro universal amarìsimo pianto. 

Sfogémose, zhitadini, sfogémose pur, 

e in sti nôstri ultimi sentimenti ko i kua£i siji£emo la nôstra glorioxa kariera korsa soto a ‘l Serenìsimo Vêneto Govèrno, 

rivoljemose vèrso sta Insenya ke £o  raprexenta, 

e su de e£a sfogemo el nôstro do£or.

Par trèzhentosetantasête ani £e nôstre sostanse, 

el nôstro sàngue, £e nôstre vite le xe stae senpre par Ti, o San Marko; 

e fede£ìsimi senpre se avemo reputà 

Ti ko nù, nù ko Ti; e senpre ko Ti su ‘l mar nù semo stai ilustri e  vitorioxi.

Nisun ko Ti ne ga visto skanpar, 

nisun ko Ti ne ga visto vinti e spauroxi!

E se i tenpi prexenti, infe£izhìsimi par inprevidensa, 

par disension, par arbìtrii ilega£i, 

par vìzhii ofendenti la natura e el jius de  le  jenti, 

no Te avese tolto da l’Italia, p

ar Ti in perpêtuo sarave le nôstre sostanse, 

el nôstro sàngue, la vita nôstra e, 

pitôsto ke véderTe vinto e dexonorà da i tui, 

el korajo nôstro, la nôstra fede se gavarave sepe£io soto de Ti!

Ma xà ke altro no ne rêsta da far par Ti, 

el nôstro kor sia l’onoratìsima to tonba, 

e el più puro e el più grando to elôjo le nôstre £àgreme!