Argomenti di Esercizi

Testo in grafia originale

in grafia GVR 

I va in Merica

 

Fulminadi da un fraco de tempesta,

l’erba dei prè par ’na metà passìa,

brusà le vigne da la malatia

che no lassa i vilani mai de pèsta;

 

ipotecado tuto quel che resta,

col forrnento che val ’na carestia,

ogni paese el g ’a la so angonia

e le fameie un pelagroso a testa!

 

Crepà la vaca che dasea el formaio,

morta la dona a partor ’na fiola,

protestà le cambiale dal notaio,

 

una festa, seradi a l’ostaria,

co un gran pugno batù sora la tola:

"Porca Italia" i bastiema: "andemo via!"

 

E i se conta in fra tuti. – In quanti sio?

Apena diese, che pol far strapasso;

el resto done co i putini in brasso,

el resto, veci e puteleti a drio.

 

Ma a star qua, no se magna no, par dio,

bisognarà pur farlo sto gran passo,

se l’inverno el ne capita col giasso,

pori nualltri, el ghe ne fa un desìo!

 

Drento l’Otobre, carghi de fagoti,

dopo aver dito rnal de tuti i siori,

dopo aver fusilà tri quatro goti;

 

co la testa sbarlota imbriagada,

i se da du struconi in tra de lori,

e tontonando i ciapa su la strada!

 

I va in Mèrika

 

Fulminadi da un frako de tenpêsta,

l’èrba dei prê par ’na metà pasia,

bruxà £e vinye da £a ma£atia

ke no £asa i vi£ani mai de pêsta;

 

ipotekado tuto kuel ke rêsta,

kol forrnento ke val na karestia,

ônyi paexe el ga £a so angonia

e le fameje un pe£agroxo a têsta!

 

Krepà £a vaka ke daxeva el formajo,

morta £a dôna a partor na fio£a,

protestà £e kanbia£e da 'l notajo,

 

una fêsta, seradi a 'l ostaria,

ko un gran punyo batù sora £a tô£a:

"Pòrka Itàlia" i bastiema: "andemo via!"

 

E i se konta in fra tuti. – In kuanti sio?

Apena diexe, ke pol far strapaso;

el rêsto dône ko i putini in braso,

el rêsto, vêci e pute£eti a drio.

 

Ma a star kuà, no se manya nò, par dio,

bixonyarà pur farlo sto gran paso,

se 'l invèrno el ne kàpita kol jaso,

pori nualltri, el ge ne fa un dexio!

 

Drento 'l Otobre, kargi de fagôti,

dôpo avèr dito rnal de tuti i siori,

dôpo avèr fuxi£à tri kuatro gôti;

 

ko £a têsta xbarlôta inbriagada,

i se dà du strukoni in tra de £ori,

e tontonando i capa su £a strada!